21-сәуір күні жалпы қалалық сенбілік өтті. Мектебіміздің мұғалімдері мен оқушылары 5-11 сыныптар толықтай жұмылдырылды. Мектеп директорының оқу-тәрбие ісі жөніндегі орынбасары Молдаханова Алтынай Сайлауқызы оқушыларды тазалыққа шақырып, қоршаған ортаны қорғау қажет екенін айтты. Оқушылардың өмір қауіпсіздігіне және техникалық қауіпсіздіктің қатаң сақталуы бойынша түсіндіру жұмыстары жүргізілді.

       Бүгін мектебімізде кәсіптік бағдар беру жұмысы бойынша 9-10 сынып оқушыларына арналған түсіндіру жұмыстары өтті.  Мектептегі кәсіптік бағдар беру жұмысының ішінде кәсіптік ақыл-кеңес ерекше орын алады. Астана қаласының 20 колледжі қатысқан іс-шарада ата-аналар мен оқушыларға мамандар кәсіптік бағдар беру жөнінде кеңінен түсіндірді. 

       Жақында ҚР еңбек сіңірген мұғалімі, "Құрмет" орденінің иегері Қ.Бітібаева атындағы қазақ тілі мен əдебиетінен республикалық олимпиаданың қалалық кезеңі өтті. «Астана дарыны» дарындылықты дамыту және психологиялық сүйемелдеу орталығы аталған олимпиадаға қатысу үшін шын дарынды анықтау мақсатында Астана қаласы білім беру мекемелерінің 9-11 сынып оқушылары арасында 2018 жылғы сәуір айының 3-4 күндері қалалық кезеңін №38 мектеп-лицейінде өткізді.         

            Мектебіміздің 4 «Б» сынып оқушысы Сембаева Мөлдір Талғатқызын сыныптың озық ойлы оқушысы деп атауға болады. Ол ақпан айында «Астана дарыны» ӨҒП орталығы мен №9 «Зерде» мектебі бірігіп өткізген «Зерделі тұлға» математика логика сайысының І және ІІ кезеңінде І дәрежелі диплом алса, «Зерделі тұлға» олимпиадасының ақырғы үшінші кезеңінде ІІ дәрежелі дипломмен марапатталды.       

        Таяуда Астана қаласының 20 жылдық мерейтойына арналған білім қызметкерлерінің денсаулық Спартакиадасының шеңберінде волейболдан қалалық жарыс өтті. Жарысқа 65 білім беру мекемелері қатысты. Бір аптаға созылған жарыстың нәтижесінде мектебіміздің мұғалімдері   ІІІ орынға ие болды.  

       Қарағанды қаласында 30-31 наурызда «RoboLand 2018» IV Халықаралық робототехника, бағдарламалау және инновациялық технологиялар фестивалі өтті. Фестивальге мектебіміздің 6 «А» сынып оқушылары қатысып, «механикалық сумо категориясы» бойынша Есімсейіт Қалдыбек пен Есенғали Диас жүлделі ІІ орынға ие болды . Сонымен қатар «интелектуалды сумо категориясы» бойынша Жанбеков Сәттімбек пен Нұрман Арман  жүлделі II орын алды.       Оқушылардың жетекшілері

        Бүгін мектебімізде 1-11 сыныптар арасында Наурыз мейрамы аталып өтті. Мерекеге сай кабинеттер безендіріліп, әр сынып ұлттық ойындар мен спорттық іс-шараларға белсене қатысты. Мұғалімдер мен оқушылар наурыз көжеден дәм татып, ән шырқап, күмбірлете күй шертті.

        Халықаралық әйелдер күніне орай мектебімізде көптеген іс-шаралар өтті. «Қызғалдақ» қыздар клубының жетекшісі, Қазақстан Республикасы Білім беру ісінің құрметті қызметкері Есенбаева Роза Түзелбайқызының ұйымдастыруымен 8-9 сыныптың қыздары арасында «Әдепті қыздардың үлгісімін» атты қыз сыны байқауы өткізілді. Кештің мақсаты қазақ қызының бойындағы ұлттық дәстүрімізге сай әдептілік пен көріктілік және инабаттылық қасиеттерінің маңызын ашып, көпшілікке дәріптеу, таныту. Байқауда қыздар өздерін таныстырып, мақал-мәтелдердің жалғасын

               Бүгін мектебімізде  4-сыныптар арасында «Анаға қарап қыз өсер...» атты 8-наурыз Халықаралық әйелдер күніне арналған анасы мен қызы қатысқан керемет сайыс өтті. Сайысқа әр сыныптың шебер қолды, ұшқыр ойлы, талантты, жүзден жүйрік мыңнан тұлпар шыққан аяулы аналары мен нәзік, ару қыздары қатысты. «Қыз анадан үйренбей өнеге алмас» демекші, 5 бөлімнен тұрған сайыста әрбір қатысушы ана өз шеберліктерін көрсетіп, қыздарына үлгі бола білді. 

                 Мектебіміздің салтанат залында қалалық ардагерлер кеңесінің құрылғанына 5 жыл толуына орай «Рухани жаңғыру» бағдарламасы негізінде «Қарттарым – асыл қазынам» атты кеш өтті. Іс-шараға Көктал кентінде орналасқан қарттар үйінің ақсақалдары мен ақ жаулықты әжелері қатысты. Мектеп директорының тәрбие ісі жөніндегі орынбасары Шабкенова Самал Жамалиевна мен өзін-өзі тану пәнінің мұғалімі Есенбаева Роза Түзелбайқызы  көрермендерге қарттарды құрметтеу керектігін айтты.